DIKON NOS

Un sentro pa relashon familiar, konseheria i edukashon ta nesesario pa fortalesé i stabilisá famianan na Kòrsou, Bonaire, Aruba i islanan ariba. Famia ta base di un komunidat sinembargo na e momentunan aki famianan ta enfrentando hopi problema i desafio. Nan ta karesé di hèrmènnan pa afrontá e problema di nos tempu. Loke nos ta planta den famia ta ser kosecha den komunidat òf sosiedat. Pa famianan por afrontá ku éksito i planta bon den e tempu aki nan mester di e hèrmènnan nesesario.

E Organisashon aki lo proveé informashon basá riba investigashon sientífiko konfiabel realisá de nos komunidat; esaki ku e meta pa fasilitá instansha, organisashon, fundashon i famianan ku informashonnan nesesario pa por dil ku situashonnan ku ta surgi òf prevení problema.

Oumentu indetenibel di kriminalidat, problema soshal, problema den seno di famia, divorsio, prestashon pober na skol i otro problemanan den komunidat ta eksigí un aserkamentu for di mas ku un direkshon. Ta rekerí aporte i aserkamentu di mas ku un instansha pa dil ku esakinan. E komplehidat di problemanan soshal den nos komunidat ta demanda ekspertisio i kontribushon di mas ku un organisashon.

Nos ta drenta vèlt bai serka bo; tambe nos ta hasi uso di e último desaroyonan teknológiko ku media ta ofresé pa por hasi yudansa aksesibel pa hende i pa famianan.

Nos ta kombiná un aserkamentu profeshonal, métodonan altamente sientífiko ku rèspèt pa hende su kreensha spiritual. Nos no ta trivialisá Beibel òf fe – esta konsiderá bo religion komo ko’i kèns, sino ta mustra rèspèt i profeshonalismo.

Nos ekspertonan ta bon prepará akadémikamente i bon entrená. Ademas nan ta empresarionan eksitoso riba nan mes.

Nos ekspertonan ta traha ku instanshanan gubernamental i instanshanan privá.

Nos ekspertonan tin eksperensha –esta a traha ku tur dos sistema, pues tantu ku instanshanan establesé di gobièrnu komo organisashonnan privá.

Nos ta alkansá bo kaminda bo ta, esta nos ta yega na bo kaminda bo ta. Inkluso nos ta hasi bishita na kas, kon tal nos duna bo un servisio kompleto i altamente efektivo.

Bo por tin akseso na nos via kòmpiuter, esta kontakto via Internet (online), atraves di telefon i tambe personal – esta kara kara.

Nos ta traha ku tur organisashon i instanshanan nos no ta pretendé ku nos tin un monopolio riba solushon di problema.