Durante seshon di konsehería relashonal nos yuda e pareha komprondé i haña solushon konkreto i duradero pa problema ku nan ta enfrentá. Nos ta yuda pareha:
- Komprondé, manehá i solushoná problema.
- Haña kontesta sientífiko, profeshonal i satisfaktorio pa nan preguntanan.
- Probechá oportunidatnan pa solushoná problema ku nan no a mira promé, ku otro palabra deskubrí salida for di problema ku nan no a realisá.
- Desaroyá abilidat, haña konosementu pa solushoná problema i desafionan den futuro.
- Krea posibilidat i kamindanan, deskubrí alternativanan ku ta duna nan satisfakshon.
- Desaroyá, haña sosten den momentu di krísis i proveé guia den momentunan difísil.
Dor di uso di aserkamentu i métodonan sientífiko Sentro pa Relashon Familiar i Konsientisashon ta yuda famia:
- Analisá nan situashon, problema i yega na solushon sumamente satisfaktorio.
- Yuda nan komprondé sentimentunan, e dikon di komportashonnan, i e influensha di nan manera di pensa riba nan problemanan. E ta yuda nan evitá sierto manera di pensa i di aktua ku ta hiba na outo-destrukshon (destrukshon propio).
- Haña e forma pa por ekspresánan mes i duna kada miembro di famia oportnunidat di ekspresa nan mes sin huzganan. En korto, ta yuda miembronan di famia yega na e relashon i famia ku nan a soña kuné.
- Desaroyá abilidat i destresa nan nesesario pa por sali for di kualkier problema i enfrentá desafionan presente i futuro.
- A traves di un aserkamentu sistémiko pa solushoná problema di manera permanente i duradero – e problema no ta bini mas.
- Den seshonnan di konsehería personal nos ta yuda un persona dil ku kualke problema personal ku e ta sinta kuné, ku ta strob’é funshoná òf logra loke e ta deseá.
- Ta yuda e persona i guia e persona di manera intenso, di tal manera ku e ta haña un bista nobo di e situashon. Nos ta yuda e persona desaroyá abilidatnan (ku e tin pero tabata drumi di tal manera) ku e por solushoná problemanan. Bo ta haña sa presis kuantu bo seshonan di coaching ta dura i un plan konkreto ta wòrdu diseñá huntu ku bo. Bo ta mira ku klaridat henter e trayekto di guia.
Nos ta bini te na kas di e persona of kliente, studia, inventarisá i evaluá e situashon. Duna diagnóstiko i palabrá un trayekto pa solushoná e problema. Ta deskubrí e nesesidatnan di e persona i traha huntu kuné na solushonnan deseabel. Ta establesé meta i fiha un trayekto di konsehería pa solushoná e situashon. Ta guia bo for di e ambiente ku bo ta familiarisá kuné.
Ora ta trata un persona ku ta biba su so òf tambe den famia, bo por haña ku e kliente ta falta struktura, òrdu i organisashon. Esaki ta opstakulisá su funshonamentu na trabou, skol y den su relashonnan. E meta di coachmentu na kas òf guía na kas ta pa yuda e kliente. E coach ta wòrdu mandá ku e tarea pa yuda regla trabou di kas, yuda ku edukashon di yunan, yuda ku higiene personal i demas asuntunan. E coach ta brinda ayudo práktiko i ta apoyá e kliente a traves di tepsnan i konsehonan pertinente. Tambe e coach ta yuda traha riba e konfiansa propio di e kliente i ta ekip’é pa por sigui biba i haña su kaminda e mes.
