Nos eksperto òf dòkter ta orientábo riba tereno salú familiar. Yuda bo mehorá bo estilo di bida di tal manera ku e kalidat di bida di e miembronan di famia por ta tòp. Orientashon i coachmentu riba tereno di salubridat familiar ta algu nobo i ta prevení famia sufri enfermedatnan ku ta resulta den tratamentu kostoso i sufrimentu innesesario. Enfermedatnan por ta un tremendo fuente di strès pa un famia
Nos ekspertonan ta orientábo ora bo ta sinta ku problema òf desafionan pa haña trabou. Bo ta wòrdu guiá i di coach di manera profeshonal. Nan ta evaluá bo situashon, konsiderá bo preparashon, konsiderá bo historia di trabou i establesé un trayekto di guia altamente profeshonal i efektivo.
Hopi biaha mayornan ta sinta ku preguntanan enkuanto kriansa di yu, disiplina di mucha, nesesidatnan di mucha, problema de edukashon na skol i otro desafionan pa loke ta trata kriansa di yu. Nos ta orientá bo riba tereno di kriansa di yu di manera individual, a traves di coaching òf counselling. Nos ta duna workshop, trayekto di formashon pa mayornan i hopi mas. Konsehonan pedagógiko, hendenan pa wak bo yunan pa bo i hopi servisio mas ta keda ofresé na bo.
Maneho riba tereno di famia, solushon di problema i prevenshon di problema ta dependé hopi biaha investigashonnan. Hopi biaha problemanan riba tereno di famia mester di aserkamentu struktural i meta na largu plaso. Na Kòrsou, Aruba, Bonaire i e islanan ariba nos ta dependé hopi biaha di informashon i teorianan ku ta bini di paisnan afó i otro kultura. Un di e metanan di nos organisashon ta realisá investigashonnan na nos paisnan di tal manera ku profeshonalnan, gobièrnu, organisashonnan priva i famianan por tin informashon basa riba nos kultura i nos lugá di biba.
Tambe nos ke sinembargo proveé –esta tradusí investigashonnan ku ta relevante pa nos, na nos idioma pa yuda famianan dil ku situashonnan u nos por ta enfrentá ku ta similar na otro paisnan.
