Tin persona ku ainda tin sierto bèrgwensa òf ripara pa buska guia òf yudansa profeshonal. Nan no ta konsiente ku tur famia tin mester di guia profeshonal. Nan no ta na altura te hasta ku karakterístika di un famia saludabel ta ku nan sa ki ora buska sosten òf guiansa profeshonal. Tin persona ku ke dil ku algu sin ku otro hende sa ta ken nan ta. E personanan aki por hasi uso di coaching i counseling online. Tambe tin otro personanan ku no tin tempu pa kore yega te na e sentro i ta mas práktiko konsehería online. Finalmente, tin hende ku no ta biba den e pais pero mester di un guia profeshonal. Pa nan nos ta proveé guia i konsehería “online”. Mester traha un afsprak i un konsehero profeshonal ta trata asuntunan ku bo “online”.
(Chek e sekshon prosedura.)
Bo ta hóben i ta sinta ku problema na skol, ku bo mayornan òf ku amistatnan. Bo ke un persona skucha bo i yuda bo sin husga bo i mira bo problema komo kos di kèns. Bo ta haña ayudo profeshonal serka eksperto, ku ta guia bo i duna bo kontesta konkreto riba preguntanan. Nos ta yuda dil ku problemanan típiko ku teenernan i hóbennan ta enfrentá. Nos pólisa di “partner igual” i mutuo rèspèt ta garantisá ku bo ta wòrdu atendé ku rèspèt. Ku pólisa di partner igual nos ke men nos ta trata bo ku mes rèspèt ku nos ta trata un partner adulto di nos
(Mas informashon.)
Un di e tareanan mas importante pa nos ta esun di fungi komo agente fasilitadó di informashon i entrenamentu. Pa nos e trabou di eduká ta esun mas importante, pasobra bo ta duna hende e hèrmènnan pa nan mes solushoná di manera permanente nan problemanan. Logra resultado y solushon duradero ta nos meta (esta ku e problema no ta bin mas). E manera ku nos ke brinda hende e hermennan pa nan mes solushona i enfrenta kualke problema ta atraves di workshop i seminarionan. Nos seminarionan ta enfoká riba brinda konosementu, desaroyá abilidat i haña eksperensha. Nos ta duna workshopnan enkuanto e siguiente temanan:
- Temanan Familiar(klik aki pa temanan)
- Hóbennan(klik aki pa temanan)
- Mayor i kriansa di mucha (klik aki pa temanan)
- Pareha(klik aki pa temanan)
Nos ta duna training ku bai mas profundo ku workshop i tin durashon mas largu. Ora tin desafionan kompleho ku ta rekerí trabou mas intenso, profundo i di mayor envergadura, nos ta brinda trayektonan di edukashon. Durante e trayektonan aki, kualidatnan ku bo tabata inkonsiente di dje, òf ku tabata drumi ta wòrdu aktivá. Bo ta wòrdu impulsá pa alkansá nivelnan di desaroyo nobo. Bo ta wòrdu guiá di manera muchu mas intenso.
