Sentro pa Edukashon i Konseheria Familiar ta dediká su mes na asesorá, konsehá, abilitá, empoderá i ekipá famianan pa alkansá nan máksimo potensial i enfrentá desafionan típiko di nos tempu ku éksito. Su tarea prinsipal ta duna apoyo i informashon aktualisá na famianan uzando tur medio posibel. Basando su ideanan riba investigashonnan sientífiko, formashon profeshonal i eksperensha di bida e ta aserka kada famia konsiderando su individualidat. E sentro pa Edukashon Familiar ta kere ku kada famia a risibí kualidat, kapasidat i talentonan speshal. Problema òf desafionan di bida por ta medionan pa aktivá destresa i abilidat drumí i invitá hende pa pone na práktika loke ainda nan no ta uzando, pa nan por alkansá soñonan. Problema por ta oportunidatnan pa desaroyo, oportunidat di alkansá nos meta-soñonan en bes fin di nos kaminda.
Sentro pa Edukashon i Konseheria Familiar, ta fundá pa Cherrel Francisca ken semper tabatin un pashon pa yuda famia.
Cherrel Francisca ta un eksperto riba tereno di relashon familiar. E ta fundadó di Sentro pa Edukashon i Konseheria Familiar ku ta dedika na konseheria di familiar. Cherrel Francisca tin un B.A. den “Secondary Education”, un B.A. den Teologia, Master Degree den “Family Relations” i un PhD den “Family Life Education & Consultancy”. El a studia na Colombia, Puerto Rico, Mexico i Merka. El a kondusí i produsi den pasado di e promé programanan relashoná ku famia na Korsou, yamá “Konsientisashon”. Tambe e ta konosi komo eskritor di kolumna den korant Extra “un mensahe konsientisador” (te ku añanan 1998). E ta konosí komo e promé eskritor di varios obra literario (bukinan) di famia na papiamentu manera entre otro: “Nesesidatnan Basiko di Mucha”, “Kon pa bo dil ku bo yu teener”, “E manual di un Teener” & últimamente “E Profil di un Matrimonio Eksepshonal” (dos tomo).
Cherrel skibi varios artikulo, booklet i manualnan, el tene diferente konferensha, presenta seminario na inumerabel okashon i ta konosi komo “motivational” òf “Keynote speaker. El partisipa den varios investigashon i duna aporte pa formashon di kurikulonan eskolar. Dr. Cherrel Francisca a publiká artikulonan sientífiko den revista sientifiko di Sikología Internashonal i ta kondusiendo investigashonnan riba terreno di famia. El a risibi na aña 2010 rekonosimentu speshal di gobiernu di Kòrsou for di man di promé minister i minister plenipotensiario na Den Haag (Ulanda) pa su aporte riba tereno soshal i produkshon di literatura. Durante varios aña kaba Dr. Cherrel Francisca a bin ta desempeña e funshon di konsehero profeshonal, Family Life Coach sertifiká i últimamente komo “Relationship Expert” na Korsou. Dr. Cherrel Francisca a bin pa mas di 20 aña proporshonando apoyo, coaching, konsehería i guía profeshonal na famia riba tur aria di problema familiar. Cherrel ta felismente kasa pa 25 aña ku Enid i tin dos yu.
Mishon
Kapasitá, abilitá, ekipá i empoderá kada miembro di famia pa alkansá su máksimo potensial i uza tantu su abilidat, talento komo su rekurso pa krese, desaroyá i alkansá felisidat i su soñonan.
Vishon
Kada famia, persona i individuo birando tur loke e por bira i alkansando e relashon di nan soño.
Services
- Konsehá parehanan i duna terapia relashonal
- Konsehá famianan i duna terapia familiar
- Duna workshop i training pa famianan
- Duna workshop i training na profeshonalnan
- Duna workshop na kompania i organisashonnan
- Konsehá teener i hóbennan
- Konsehá mayornan
- Elaborá materialnan informativo
- Skibi buki i manualnan
- Konsehá & Coach"online"
- Proveé coaching online i personal
- Proveé informashon online (digital)
- Traha den tim ku otro instanshanan
- Sostené skol, komishon di mayor, staf di maestronan ku informashon
- Fasilitá informashon i training na organisashonnan religioso.
- Konseheria & Coaching riba tereno di karera i trabou
- Konseheria riba salu familiar
