Sentro pa Edukashon i Konsehería Familiar ta disponé di varios rekursonan ku por supli bo nesesidatnan i/òf yuda bo yuda otronan ku tin e nesesidatnan aki.. Esaki ta e sekshon kaminda bo por atkeri buki i otro literaturnan disponibel. Na e momentunan aki bo por haña e siguiente bukinan:
E Profil di un Matrimonio Eksepshonal Tomo. 1
E buki aki ta destiná pa personanan kasá, ku ta bai kasaòf ku ta inisiando un famia. Den e bukinan aki e outor ta diskutí temanan manera: Meta di matrimonio, kon mantene amor i pashon den bo relashon, loke parehanan mester sa tokante fasenan ku un relashon ta pasa dor di dje, maneho di famia den nos tempu, komunikashon, diferensha entre hende hòmber i hende muhé, seksualidat, maneho di finansa, kiko hasi ora bo partner tin un affaire i hopi mas. Cherrel ta duna bo un “update” riba kada un di e temanan dor di revelá loke ultimo investigashonnan ta bisa tokante e tema. Si bo ke tin informashon nobo, basá riba loke ultimo investigashonnan ta bisa, esaki ta un buki ku bo mester atkerí.
E Profil di un Matrimonio Eksepshonal Tomo. 2
E buki aki ta destiná pa personanan kasá, ku ta bai kasaòf ku ta inisiando un famia. Den e bukinan aki e outor ta diskutí temanan manera: Meta di matrimonio, kon mantene amor i pashon den bo relashon, loke parehanan mester sa tokante fasenan ku un relashon ta pasa dor di dje, maneho di famia den nos tempu, komunikashon, diferensha entre hende hòmber i hende muhé, seksualidat, maneho di finansa, kiko hasi ora bo partner tin un affaire i hopi mas. Cherrel ta duna bo un “update” riba kada un di e temanan dor di revelá loke ultimo investigashonnan ta bisa tokante e tema. Si bo ke tin informashon nobo, basá riba loke ultimo investigashonnan ta bisa, esaki ta un buki ku bo mester atkerí.
Nesesidatnan Basiko di mucha.
Loke bo mester tokante kriansa di yu, ora bo yu ta entre 0-10 aña.
Muchanan hopi biaha ta komporta nan mes di sierto manera “mala mucha”, pasobra nan nesesidatnan no a wòrdu suplí. Den e buki aki bo ta haña tur informashon tokante kriansa di yu den e periodo di 0 – 10 aña di edat.Ademas bo ta haña tambe 100 manera pa disipliná bo yu di manera konstruktivo i efektivo. Un di e bukinan mas bendí di momentu. 250 balor ku bo yu mester sa.
Kon pa dil ku teener
E Loke bo mester sa komo mayor , ora bo yunan bira teener.
Den e buki aki bo ta haña informashon tokante kambionan ku e teener ta pasa den, informashon ku bo teener mester tin. Kon dil ku situashon típiko i “difisil” ku mayornan ta haña nan mes kuné ora nan yunan ta den e etapa di teener. Ademas e tambe ta kontene kon maneha situashon na kas ora nos yu bira teener i 100 manera di disiplina un teener.
E manual di un teener
Tur loke bo mester sa ora bo ta un teener. Un buki informativo speshal pa teener.
Den e buki aki e teener ta haña tur informashon sumamente nesesario pa su etapa di desaroyo i adapta na su nivel. For di informashon tokante kon pa dil i relashoná ku adulto òf su mayornan te ku informashon riba tereno soshal, tokante kon manehá preshon di grupo, kon studia, seksualidat, enamoramentu, reglanan di etika básiko pa su edat di desaroyo, loke e mester sa tokante droga, desaroyo di su kurpa enfin, tur loke e mester sa ora e ta teener.Ademas 250 kos ku teener por hasi ora nan ta frei, etc.
Kon pa disiplina un teenager
E manual aki ta diskutí e kontenido di un seminario pa mayornan relashoná ku e manera korekto i efektivo di disipliná un teener awendia. E ta kontené splikashon di kiko ta adolesensia i kambionan ku un teener ta eksperenshá. E presenta e shete konsepto básiko ku mayornan mester konosé, e ta diskutí e meta di disiplina & ta presenta mas di 100 manera diferente pa disipliná un teener. Finalmente e ta diskutí kon dil ku muchanan ku komportashon desafiante.
